Kopa Leo Domacasse

Relato Kopa Leo Domacassè 2024

Den kuadro pa sigui ku e aktividatnan i desaroyá pinpòn, BTTB a organisá djárason i djasabra último e di dos kampionato Kopa Leo Domacassè. Aña pasa presidente di BTTB señor Gilberto (Junny) Vos a bini ku e idea pa promé bes den e deporte di pinpòn aki na Boneiru, pa ban dediká un kampionato nan un persona ku a hasi hopi pa e deporte di pinpòn i ku a forma parti di direktiva pa hopi aña i ku te asta awor ku e no ta den direktiva mas, ta yuda nos pa BTTB por sigui desaroyá pinpòn aki na Boneiru.

Kopa Leo Domacassè 2024 (senior)
Djárason dia 19 di yüni último a organisá e di dos Kopa Leo Domacassè2024, en total a partisipá den klase A 7 hungadó: Almar Nicolaas, Ronaldi (Nono) Vos, Rene Evans, Alfred Beukenboom, Gilberto (Junny) Vos, Marie-Antionette Keli i Giovanny Hart, i den klase B 2 hungadó, Junny van Arneman i Santiago Lont.

Start: Wega nan a kuminsá 7or di anochi i a dura te ku 10:30pm, tur hungadó a haña chèns di kompetí kontra otro.

Resultado
E kampion di Kopa Leo Domacassè 2024 klase A a resultá Ronaldi (Nono) Vos ku a mantené su título di Kampion Kopa Leo Domacassè 2023. Aña pasa Nono a bai ku e kopa i e aña aki atrobe. Na segundo lugá a resultá Almar Nicolaas, di tres lugá a resultá Alfred Beukenboon. Klase B a sali na promé lugá Junny van Arneman i di dos lugá Santiago Lont.

Kopa Leo Domacassè 2024 (hubenil)
Djasabra dia 22 di yüni tambe a organisá e aña aki pa di dos bes, e Kopa Leo Domacassè pa e hóben nan ku ta train awor aki , en total a partisipá 8 hóben, a repartí e 8 hóben nan den dos grupo, un grupo di nivel mas abou i e otro nivel mas haltu.
Den e grupo di mucha nan ku nan nivel ta abou a partisipá: Daniel, Livia, Jeronimo, Trevor. Den e grupo aki e kampion a resultá; Daniel, di dos lugá Trevor, di tres lugá Livia i nan di kuater lugá Jeronimo. E ganador di e grupo aki a risibí un gift card di Tung Fung Store nan balor di $ 30.00.

Den e grupo di hóben nan ku nivel mas haltu a partisipá 4 hungadó, esaki nan ta; Xavio, Lucky, Adrian i Sven. Resultado di e grupo aki tabata hopi pèrta mirando ku e promé tres hungadó nan tur tres a pèrdè un wega, pues mester a bai konta set nan gana i esaki a pone e siguiente resultado. Promé lugá Xavio, di dos lugá Lucky, di tres lugá Adrian i di kuater lugá Sven.

BTTB por mira bek riba un bon kampionato i sigur un adelanto di e hóben nan.