Verslag BTTB – ITTF deelname programma

Relato BTTB-ITTF programa de partisipashon 2022
Kralendijk, 10 di òktober 2022

ITTF  a ofresé BTTB e posibilidat pa registrá pa un programa di partisipashon ku nan ta ofresé nan nan miembronan. BTTB a skohe pa e programa DMA, esaki ta enserá ku BTTB tin $ 3,000.00 disponibel pa por organisá diferente evento i tambe buska material. Presidente (Junny) Vos  a traha riba un programa di 10 dia kaminda e profeshonal  ku ITTF lo manda ta drùk pa yuda por promové pinpòn entre nos hóbennan i adultonan.

Programa
Djaweps 15 di sèptèmber señor Carlos Esnard a yega Boneiru despues di a sali su pais kaminda e ta biba El Salvador. Miembronan di direktiva i algun miembro di BTTB a risibí señor Esnard den Jeugdhuis Jong Bonaire. Aki a yama señor Esnard bon bini i a sosialisá un ratu huntu ke ne, despues señor Esnard a wòrdu hiba su apartamentu pa e por sosegá.

Djaweps 15 di sèptèmber señor Carlos Esnard a yega Boneiru despues di a sali su pais kaminda e ta biba El Salvador. Miembronan di direktiva i algun miembro di BTTB a risibí señor Esnard den Jeugdhuis Jong Bonaire. Aki a yama señor Esnard bon bini i a sosialisá un ratu huntu ke ne, despues señor Esnard a wòrdu hiba su apartamentu pa e por sosegá.

Djabièrnè 16 di sèptèmber atardi di 5pm pa 7pm nos a pone un entrenamentu pa esunnan nan ku kier a train un ratu ku Carlos. Tabata tin komo 8 persona.

Djasabra 17 di sèptèmber mainta a organisá un dia habri pa tur mucha ku tabata kier a konosé e deporte di pinpòn i tambe pa Carlos por train ku nan un ratu e dia habri aki tbt di 9am te ku 1pm. BTTB a sòru pa algu di bebe i kome. Mester bisa ku tbt mas ku 20 mucha/hóben.

Djadumingu 18 di sèptèmber dia di eskurshon ku Carlos Esnard. Presidente a hür un SUV i a invitá sobra miembro di bestür pa ban ku nos pero ta Frances so por a bai, pues Carlos, Frances i ami a bai. Señor Carlos a haña un bon tour i a konosé Boneiru di pariba te ku pabou.

Djaluna 19 di sèptèmber,  1:30 pa 2:30 den nos programa nos a pone tur e dosentenan di gimnasio pa huntu Cralos por laga nan sera konosí ku pinpòn, tabata bon pa wak 12 maestro di gimnasio huntu ta práktika e deporte aki di manera ku nan ta siña pa nan por siña nan alumnonan.

Djaluna 19 di sèptèmber, di 5-7pm nos a duna e promé dia di kampamentu pa nos hóbennan, e dia aki a partisipá 15 hóben, Carlos, Shirley i ami a duna e kampamentu na e muchanan di manera ku nan por a sera konosí ku pinpòn, i alabes wak nan interes i abilidat. Riba e dia aki tambe Carlos a hasi entrega nan presidente 8 rèket ku señor Benjamin Real, presidente di e federashon di Tennis de Mesa di Paraguay a manda pa BTTB, Carlos a bisa ku na Chile e lo bai entrega mi 8 mas. Presidente a gradisí Carlos pa a trese esaki nan i alabes tambe yama danki nan señor Benjamin Real.

Djaluna 19 di sèptèmber di 7 pa 8, Carlos a duna entrenamentu na algun miembro senior di BTTB.

Djamars 20 di sèptèmber, de e programa Presidente a plania pa Carlos bai dos dia nan SGB pa duna oportunidat nan e hóben nan di VMBO pa nan por sera konosí ku pinpòn i alabes nos por wak kua di e hóbennan tin e abilidat pa ku pinpòn. Riba e dia aki tbt tin tres grupo. 12 hóben di 7:45 pa 8:15am, di 8:15 pa 9:00 pa i di 9:00 pa 9:45.

Djárason 21 di sèptèmber, den nos programa nos tbt tin e mucha nan di basis skol San Bernardo ku ta bin gym na Jong Bonaire, Presidente a regla ku skol ku e grupo lo wòrdu repartí den dos un grupo ta keda gym ku e dosente i e otro grupo ta bin pinpòn ku Carlos. Tabata tin dos grupo di muchanan di grupo 4.

Djárason 21 di sèptèmber di tres dia di kampamentu pa hóben nan di 5-7pm i di
7 -8pm entrenamentu pa senior nan ku Carlos.

Djaweps 22 di sèptèmber, di 8am pa 12pm di dos dia di seminario pa e mucha nan di VMBO, riba e dia aki tambe nos a haña tres grupo e mucha nan tabata kontentu ku e oportunidat ku BTTB a krea pa nan por siña mas di pinpòn,pa nos tambe tabata interesante pa wak e interes I nivel di e hóbennan, di manera ku nos por invitá nan pa nan por sigui train ku nos.

Djaweps 22 di sèptèmber, di 3pm pa 6pm nos a bai na Kazèrne di BKCN, presidente a pensa riba e bombero nan mirando ku nan ta train tur dia den Kazèrne, i lo ta bon si Carlos por bai yuda nan i splika nan kon ta mas mihó pa train pinpòn. Tabata tin sigur 15 partisipante, ora ku Junny a yega ya kaba basta a bai. Riba e foto esunnan ku a keda te na final.

Djabièrnè 23 di Sèptèmber, riba e dia aki nos a bai di 1:15 te ku 3:15 na JICN, aki tambe nos kier a duna e detenido nan un chèns pa por práktika pinpòn ku Carlos, BTTB a keda kontentu di mira e interes di e detenidonan pa nan por partisipá. Na total a partisipá 11 detenido i tres bewaker. E detenido nan a gusta i ke pa BTTB organisá algu asina ki atrobe pa nan.

Djasabra dia 24 di sèptèmber, Mirando e interes ku tantu e hóbennan i e muchanan ku a partisipá nan e kampamentu nan , nos a organisá un último kampamentu pa tur mucha i hóbennan ku a partisipá hinter siman nan e programa di partisipashon. Tabata tin sigur 15 hóben/mucha ku a partisipá. Na final di e kampamentu, Carlos a traha grupo I a laga e hóben/muchanan kompetí kontra otro. Tbt dushi pa wak nan hunga kontra di otro.

Na final di e dia presidente a invitá sobra miembro di direktiva pa ta presente di manera ku bestür por gradisí nan Carlos pa por a bini Boneiru pa yuda nos promové pinpòn, señor Carlos Esnard a risibí for di man di presidente di BTTB Junny Vos un bunita rekuerdo nombrando Carlos e di tres embahador di pinpòn di Boneiru. Carlos a gradisí BTTB pa e bunita gesto aki i a bisa ku e la hasi esaki ku hopi plaser.

Relato traha pa: Presidente BTTB, Junny Vos, sèptèmber 2022