04.06.22 BTTB benoemt haar eerste ambassadrice en ambassadeur
BONAIRIAANSE TAFEL TENNIS BOND (BTTB) A HONRA DOS PERSONA KOMO E PROMÉ EMBAHADORA I EMBAHADOR DI TÈNIS DI MESA DI BONEIRU
Kralendijk, BTTB durante su torneo di Open Dia di Rincon 2022 a sorpresa dos persona ora ku señor Vos a splika ku e la presentá un idea nan su bestür i ku esaki nan a aprobá mes ora, e idea di señor Vos tabata pa BTTB kuminsá honra i gradisí e personanan ku ta hasiendo hopi pa e deporte di pinpòn aki nan Boneiru. Señor Vos kier kuminsá introdusí e embahador i embahadora di Tènis di Mesa di Boneiru. Señor Vos a hasi uso di e okashon aki pa nombra dos persona ku bestür a honra pa ta e promé embahador i embahadora di Boneiru. Despues di a splika esaki señor Vos a yama dilanti Shirley Bernard Winklaar ku lo bira e promé embahadora di Tènis di mesa di Boneiru, Shirley ta un hungadó di pinpòn ya pa hopi aña kaba, Shirley gusta e deporte aki i ta hasi esaki ku hopi plaser i amor, Lamentabel ta ku nunka Shirley a risibí e oportunidat pa siguí entrenamentu serio pa por a halsa su nivel asina bon ku e por a kompetí den eksterior. Shirley tabata un miembro di direktiva pa basta aña i semper a promové pinpòn entre e genero femenina i a yuda pa desaroyá pinpòn entre e hóbennan. Shirley a siguí kurso di entrenadó/coach i tambe kurso di umpire. Aktualmente Shirley boluntariamente ta guia e hóben nan riba tur djaluna i djaweps nan Sentro di Bario Tera Kòrá, kreando e oportunidat pa hóbennan por train pinpòn. Pa tur loke Shirley a hasi i ta hasiendo pa e deporte di pinpòn, BTTB a skohe Shirley Bernard Winklaar komo e promé embahadora di Tènis di Mesa di Boneiru. Shirley a risibí for di man di señor Vos un bunita opsekio traha di spil i tambe di parti NTTB un pin. Seguidamente señor Vos a referí na e di dos persona ku lo ta e promé embahador di Tènis di Mesa di Boneiru ku ta señor Jacinto Zimmerman. Jacinto tambe ta un hungadó ku tin un trayekto largu nan Kòrsou komo un di e hungadó nan ku ta duna kompetensia na hopi hungadó, ku su manera di hunga pinpòn, Jacinto sigur a sa di gana e kurashon di nos hungadó nan aki nan Boneiru pa su atenshon pa ku nos i ku kada bes ku e ta aki nan Boneiru, e ta yuda nos desaroyo dor di práktika ku nos i tambe organisá torneo pa nos. Jacinto sigur meresé di ta BTTB su promé embahador di Tènis di Mesa di Boneiru. Jacinto tambe a risibí for di man di presidente di BTTB un bunita opsekio traha di spil i ku teksto graba ariba, tambe Jacinto a risibí komo kortesia di NTTB un pin.
