BTTB open kampioenschap

Raymond Begina wint BTTB Open
6 di òktober 2021, BTTB a organisá su BTTB OPEN 2021. E tim organisadó – Almar (miembro di BTTB, líder di torneo) i Malcolm (visepresidente di BTTB, organisashon general di torneo) – a ehekutá e proyekto aki den kuadro di direktiva su vishon di torneo pa BTTB. E torneo a kuminsá 7.20pm i a terminá 10.20pm. Tabatin awa durante e torneo i “snackboxes” i limonada na final di torneo.

Nos a spera 10 registrashon: miembro i no miembro di BTTB. Na tur 15 hungadó a partisipá: 1 hoben, 1 hende muhé, varios miembro di BTTB, 4 miembro di brandwer, e presidente di FTMK (Federashon Tenis di Mesa Korsóu) i 1 miembro mas di FTMK! Lokual a resaltá durante di nos torneo, aparte di nivel haltu di varios wega, ta nos “teamwork” i hende yudando proaktívamente, promé ku, durante di, i despues di nos torneo! Tambe nos kolegialidat, ser flèksibel i ahustá durante torneo, ofresé i ta habrí pa sugerensia pa elevá nos torneo, ets.Tur esaki i mas na nos opinion a hasi nos BTTB OPEN 2021 eksitoso!

Setup di torneo
Nos a krea 2 pul di hungadó: 1 pul ku 7 hungadó i 1 pul ku 8 hungadó. Den kada pul tur hungado mester a hunga kontra otro pa determiná e 2 hungadónan ku miho puntuashon di kada pul. Den semifinal, #1 di pul A a hunga kontra #2 di pul A, #1 di pul B a hunga kontra #2 di pul B. E 2 hungadónan ku a gana a kompetí pa promé lugá i e 2 hungadónan ku a pèrde a kompetí pa terser lugá. Tur wega hungá tabata “best of 3”.

Resultado di torneo
1. Raymond Begina
2. Jacinto Zimmerman
3. Alfred Beukenboom
4. Almar Nicolaas

Masha pabien na tur hungadó ku a partisipá na BTTB OPEN 2021, espesialmente e ganadónan! Masha danki na TUR ku a yuda pa engrandesé nos torneo i hasi BTTB OPEN 2021 un éksito!