BTTB Open Dia di Rincon

Eksitoso torneo BTTB Open Dia di Rincon 2022, patronisa pa Barberia Cinto di Kòrsou.

Kralendijk, Bonairianse Tafel Tennis Bond (BTTB) ku ta e bònt di pinpon di Boneiru di kual pinpòn ta un di e deporte nan ku tambe ta wòrdu mas práktika aki nan Boneiru. BTTB ketu bai ke sigui krea oportunidat na su miembronan, pa nan por sigui praktiká e deporte di pinpòn i partisipá na turneonan ku e mira ku su miembronan por halsa nan nivel den e deporte aki. Direktiva di BTTB a wòrdu aserka pa Jacinto Zimmerman un hungadó veterano i legendario ku tin hopi aña ta praktikando e deporte di pinpòn na Kòrsou i Boneiru. Jacinto a pidi BTTB pa wak si e por patronisa un torneo Open na Boneiru mirando ku e lo ta na Boneiru pa e dianan di Dia di Rincon. Mester remarka ku tur bes ku Jacinto ta nan Boneiru e ta buska miembronan di BTTB pa e por dal algun bala i hunga algun wega. Aña pasa tambe Jacinto a partisipá nan un torneo Open ku BTTB a organisá. BTTB sigur ta aploudí e gesto di Jacinto i a aseptá pa por organisá dia dos di mei un torneo BTTB Open Dia di Rincon patronisa pa e Barberia di Jacinto nan Kòrsou, Barberia Cinto ku tambe ta un di e Barberianan di mas bieu di Kòrsou. BTTB a organisá e torneo aki dia dos di mei último, tabata tin e klase di hende muhé i e klase A. Mester bisa ku ta pa promé bes den hopi aña ku BTTB a logra organisá un torneo di hende muhé ku ta kompetí kontra di otro. Den e klase A, a partisipá e siguiente hungadó nan, Junny Vos, Nono Vos, Almar Nicolaas, Rene Evans, Alfred Beukenboom, Emile Domacasse i Jacinto Zimmerman. Den e klase di hende muhé a partisipá Shirley Bernard Winklaar, Jenny Zimmerman i Joselyne (Liz) Rijna. Nos por a komprondé di señor Junny Vos presidente di BTTB ku e weganan a bai bon i tabata tin basta sorpresa durante e partidonan, pero na final a resultá e kampion di e torneo aki señor Almar Nicolaas  di dos lugá a resultá Rene Evans, di tres lugá Alfred Beukenboom, di kuater lugá Junny Vos, di sinku lugá Nono Vos, di seis lugá Jacinto Zimmerman i di shete lugá Emile Domacasse. Junny Vos a sa di sorprendé e dos hungadónan Almar i Nono dor di gana e dos partidonan aki. Resultado di e hende muhé nan a resultá e kampion Shirley Bernard Winklaar, na di dos lugá Jenny Zimmerman, i na di tres lugá Joselyn (Liz) Rijna. Tur e tres ganadornan a risibí for di man di Jacinto Zimmerman un medaya. Tambe e promé i di dos lugá di klase A, a risibí un bunita trofeo di spònser pa Barberia Cinto.

Promé ku entrega di premio señor Junny Vos komo presidente di BTTB a gradisí tur e partisipantenan i tambe a dirigí un danki speshal nan Jacinto Zimmerman pa e inisiativa pa por a presentá e torneo aki nan BTTB i ku su Barbershop a spònser.

BTTB ta mira atras riba un tremendo torneo i tambe ku hopi sorpresa, mirando kon kontentu tantu Jacinto i Shirely a keda ku e nombramentunan aki. Jacito Zimmerman tambe a sorpresa BTTB dor di un plakat komo muestra di gradisimentu pa e amistat i e koperashon munto. Presidente di BTTB a risibí esaki nan nòmber di su bestür, i a gradisí Jacinto i su kasa Jenny pa e bunita opsekio.