Kampionato nashonal

Den kuadro pa sigui duna oportunidat na e hungadó nan senior pa nan tambe por sigui desaroyá, BTTB ta organisá regularmente kampionato pa nan tambe. Dia 16 di sèptèmber BTTB a organisá e kampionato Nashonal 2024. Na e kampionato aki a partisipá 6 partisipante, Junny, Netty, Almar, Alfred Beukenboom, Geovannie i James Finies. Partido nan a kuminsá 6or i mester bisa mirando ku tur hungadó a hunga kontra di otro esaki a kaba te 10or di anochi. Tabata tin bon partidonan manera e final entre Almar i Alfred. Resultado: na Promé lugá a sali Almar, di dos lugá Alfred na di tres lugá a resultá Geovannie, di kuater lugá Netty, na di sinku lugá Junny i na e último lugá James.