26.02.15 Nieuwe trainingstijden senior

E orario di trabou di diferente miembro tin komo konsekwensia ku nan no ta alkansa pa train. Relashona ku esaki e miembronan aki a aserka Direktiva ku e petishon pa sondeá e posibilidat pa amplia e orario di training pa asina nan tambe por partisipá.

Nos direktiva a aserka Jong Bonaire ku e petishon aki, i pa nos ta un plaser pa por partisipa e miembronan ku Direktiva di Jong Bonaire a bai di akuerdo ku ampliashon di e orario di training di pinpon.

Esaki ta ensera ku entrante direkt, e trainingnan riba dialuna i diarason por dura te ku 21:00.( 9’or anochi).